Kapa Haka Regionals - Kura Waenga

Taiahaha! Taiahaha!

Toia Tainui tapotū ki te moana, mā wai e tō? mā te rāngai kōhanga e tō.

Whakarongo ake au ki te taha o te rangi he tarawainuku, he tarawairangi puhia te ahi e!

Kua ea ngā wawata, kua ea ngā kaupapa, ka ora tonu tātou mō āke, āke

Tau hā!

E rua ngā rā o te whakataetae, e rua tekau mā tahi ngā kapa i tū ki Te Papanui. Kua

kitea whānuitia te kounga o ngā mahi hakahaka kua pakari ake, ā, kua ara anō ngā

taniwha o Tainui waka. I haere Māori atu, i tū Māori atu, ā i hoki Māori mai.

He mea whakanui, whakamana i ngā tupuna o tuaukiuki, rātou i para i te huarahi, rātou

anō hoki i whakaheke toto, kia ora ai wā rātou uri whakatupu.

E ono ngā kapa i eke ki te taumata o angitū, ā, ko mātou tētahi o ngā kura ka

whakakanohi i a Tainui Waka ki roto o te rohe o Mātātua waka ki Tauranga Moana hei te

tau e heke mai nei.

Me mihi ka tika ki ngā tamariki i tā rātou hiakai ki tō rātou ao Māori, ao haka,

mātauranga Māori anō hoki. Hīnei te reo o mihi ki ngā hoa mahi, ngā mātua, ngā

nihowera, ngā tauira, ngā kaitito waiata, ngā kaitautoko, tā mātou pāharakeke, ngā

whānau katoa i whakapono mai ki a mātou, i tautoko hoki mai i a mātou kia eke ai tēnei

kaupapa ki tōna ikeikenga. Nā koutou rā te take i tutuki ai ēnei wawata.

Te reo o mihi e kore e whati.

Raukawa kia Mau!