Tainui Waka Kapa Haka Regional 2023

Ngā whakataetae kapa-haka o Tainui Waka (Kura tuarua)

Muia te whare o Te Papanui e te ikapahi tāngata i whakawhāiti atu ki runga o Kirikiriroa mō ngā tātāwhāinga kapa haka o Tainui waka mō ngā kura tuarua.

Tokowaru ngā kapa i tū ki te mura o te ahi. Ka mutu, kounga ake nei te taumata o ngā mahi hakahaka i kitea i taua rangi.

Ko te koromaki matua mō tā mātou kapa, kia whakatairangatia te tuakiri rongomaiwhiti o te kura kia Raukawa te tū, kia Māori te tū, kia taiea te tū. Ka mutu, ko te whāinga mātāmuri, kia whai wāhi ki ngā whakataetae ā motu ka tū ki Whakatū hei te tau 2024.

Nō mātou te māngari kia whai wāhi atu ki ngā whakataetae ā motu e kainamu mai ana hei te tau 2024. E mihi ana ki ngā kapa i tū ki te papa tūwaewae a Tāne Rore a Hine Rēhia, waihoki, e mihi ana ki ngā kapa e toru ka haere ki te whakakanohi i a Tainui waka hei te tau e tū mai nei. I kitea rawatia te hua o te whakaheke mōtuhi, o te tōngakingaki kia eke ki te tautara o angitu, ki te keokeonga o kaupapa riwha.

Me pēwhea e kore ai e tuku i ngā mihi manahau ki ngā pia, ngā tauira, ngā tāura, ngā pūkenga, ngā wānanga, otirā, ngā ringa raupā me ngā ringa tōhau nui o tā tātou kaupapa. Ki konei whakataukītia ai ehara taku toa i te toa takitahi, engari taku toa i te toa takitini.

2023 Results

2nd - Kaitataki Wahine

1st - Kakahu

1st - Whakaeke 1st - Waiata-a-ringa

1st Poi

2nd - Haka 1st - Whakawatea